કહેવાય છે કે દિવસની શરૂઆત સારી થાય તો આખો દિવસ સારો જાય છે. આપણે સૌ વ્યાયામ કે યોગથી આપણા દિવસની શરૂઆત કરતા હોઇશું પરંતુ આ એક શ્લોક બોલી લેવાથી તમારો દિવસ સોના જેવો ઉગશે.

ભક્તિથી કરો શરૂઆત

સવાર સવારમાં જો કોઇ સાથે ઝઘડી લો તો તમારો મૂડ ખરાબ થઇ જાય અને આખો દિવસ તમે ચિડચિડીયા થઇ જાઓ તે અલગ. માટે સવારની શરૂઆત ભગવાનને યાદ કરવાથી જ થવી જોઇએ. ભગવાનની ભક્તિ કરવાથી સારી બાબત કોઇ હોઇ જ ન શકે. આ એક શ્લોકને બોલવાથી સકારાત્મકતાનો સંચાર થશે.

ક્યો છે મંત્ર ?

કરાગ્રે વસતે લક્ષ્મી: કરમધ્યે સરસ્વતી,
કરમૂલે તું ગોવિંદ: પ્રભાતે કર દર્શનમ્.

નાનપણથી આ મંત્રને આપણે સાંભળતા આવ્યા છીએ પરંતુ તેનો અર્થ તમને ખબર છે ખરા? સૂતા પહેલા અને સવારે ઉઠીને આ મંત્રનો જાપ કરવાથી તમારો આખો દિવસ સારો જશે અને જીવનમાં સકારાત્મકતા આવશે.

શું છે અર્થ?

એટલે હાથના અગ્રભાગમાં લક્ષ્મીનો નિવાસ છે હાથના મધ્યમાં સરસ્વતી રહે છે અને હાથના મૂળભાગમાં ભગવાન નારાયણ ગોવિંદ રહે છે. આથે સવારે “કર” હાથ ના દર્શન કરવા જોઈએ.

કેવી રીતે બોલશો મંત્ર?

આ મંત્રને બોલવા માટે બંને હાથની હથેળીને જોડો અને તમારી હથેળીમાં જ ભગવાન છે તેવું સમજીને આ મંત્રને 3 વાર બોલો. આવું કરવાથી સકારાત્મકતાનો સંચાર થશે અને તમારો દિવસ સુખમયી થઇ જશે.

વેદોમાં પણ ઉલ્લેખ

આ શ્લોક વિશે વેદોમાં પણ ઉલ્લેખ કરવામાં આવ્યો છે. કહેવામાં આવ્યું છે કે આપણા જમણા હાથમાં મહેનત અને ડાબામાં સફળતા રહેલી હોય છે. સતત નીતિથી કામ કરતા રહેવાથી જીવનમાં સફળતા સામે ચાલીને આવે છે. પૈસા કમાવવા માટે મહેનત ખુબ જરૂરી છે. હંમેશા સારી નીતિ રાખીને જે વ્યક્તિ ચાલે છે તેને ક્યારેય કોઇ તકલીફ નડતી નથી.

સુખી થતાં કોઇ નહી રોકી શકે

રોજ સવારે ઉઠીને તરત જ હથેળીના દર્શન કરવા જોઇએ, આપણી હથેળીમાં રહેલા ભગવાનના દર્શન કરીને દિવસની શરૂઆત કરવાથી દિવસ સારો જાય છે અને ભગવાન પ્રસન્ન થઇને તમારા પર પૈસાનો વરસાદ કરી દે છે.