હસતા-રમતા ભૂલકાના અચાનક હાથ-પગ હલવાના બંધ થયા, ઈલાજ માટે છે ૧૭ કરોડની જરૂર

હાલ નાના બાળકોમાં અનેક હઠીલા અને જીવલેણ રોગ પેદા થયા છે, જેના કારણે બાળકોની સારવાર માટે કરોડો નો ખર્ચ કરવો પડતો હોય છે, ત્યારે અરવલ્લી જિલ્લાના નાનકડા ગામમાં રહેતો દૈવિક સોની પણ આવી જ એક ગંભીર બિમારીમાં સંપડાયો છે, કે જેના ઈલાજ માટે અમેરિકાથી 16 કરોડની અધધ કિંમતના ઈન્જેક્શનની જરુર પડી છે. દૈવિકને સ્પાઈનલ મસ્ક્યુલર એસ્ટ્રોફી SMA-1 નામની બિમારી થઈ છે. ઈલાજની રકમ જંગી હોવાથી દૈવિકનું પરિવાર લાચાર બન્યું છે, તેમણે સોશિયલ મીડિયા પર મદદ માટે અપીલ કરી છે.

હસતા-રમતા ભૂલકાના અચાનક હાથ-પગ હલવાના બંધ થયા

મોડાસા તાલુકાના ટીંટોઇ ગામે રહેતા દેવાંગ સોની પોતે સોનિકામ કરી માધ્યમ પરિસ્થિતિમાં જીવન ગુજારો કરે છે. તેમને ત્યાં દીકરાનો જન્મ થયો અને તેનું નામ દૈવિક રાખ્યું. આ દૈવિક શરૂઆતમાં સરસ રમતો ખીલતો હતો, પરંતુ ત્રણ માસનો થયો ત્યાંથી શરીરની હલન ચલન પ્રક્રિયા ઓછી થવા લાગી. હાથ પગ હલાવવાના બિલકુલ બંધ થઈ ગયા, જેથી માતા-પિતા ખૂબ ચિંતા કરવા લાગ્યા અને સારવાર માટે મોડાસા ખાનગી હોસ્પિટલમાં લઇ ગયા હતા. જ્યાં ડોક્ટરને આ બાળકમાં કોઈ અલગ પ્રકારના સીમટન્સ હોવાનું જણાતા દૈવિકને વધુ રિપોર્ટ માટે અમદાવાદ મોકલ્યા હતા. ત્યાં બે માસ અગાઉ કરેલ ટેસ્ટનો રિપોર્ટ આવ્યો તો બાળકને સ્પાઇનલ મસ્ક્યુલર એસ્ટ્રોફી SMA – 1ની બીમારી જણાઈ. આ ગંભીર રોગ છે અને તેની સારવાર ખૂબ મોંઘી હોય છે. આ બાળકની આ રોગ સામે પ્રતિકાર કરવા અને તેને નાથવા માટે અમેરિકાથી 16 કરોડના ઇન્જેક્શનની જરૂર પડી છે જો આ ઈન્જેક્શન બાળકને મળે તો તેનો જીવ બચી શકે તેમ છે.

NGO દ્વારા બેંક અકાઉન્ટ ખોલી ફંડ ભેગુ કરાઈ રહ્યું છે

જંગી રકમ સાંભળી બાળકના પિતા દેવાંગ સોની અને અન્ય પરિવારજનો ભાગી પડ્યા, પરંતુ ગ્રામજનો અને કુટુંબીજનોએ હિંમત આપી અને સોશીયલ મીડિયાના માધ્યમથી મદદ માટે અપીલ કરી, તેમજ એક NGO દ્વારા દૈવિક સોની નામનું બેન્ક એકાઉન્ટ ખોલાવી ડોનેશન ઉઘરાવવાનું શરૂ કરાવેલ છે. દૈવિકના પિતાએ પણ બે હાથ જોડીને વિનંતી કરી છે કે ઇન્જેક્શનની કિંમત બહુ મોટી છે, પણ જો બધા થોડું-થોડું ડોનેશન આપે તો દૈવિક બચી શકે એમ છે. થોડા સમય પહેલા મહીસાગર જિલ્લામાં એક બાળકને આવો જ રોગ થયો હતો અને ગુજરાતની તમામ જનતાએ યથાશક્તિ સહયોગ આપ્યો હતો. તો કરોડો રૂપિયાનું ડોનેશન મળ્યું અને બાળક બચી ગયું એજ રીતે આ બાળકના પરિવારજનો એ પણ અપીલ કરીને મદદની માંગ કરી છે.

સ્પાઈનલ મસ્ક્યુલર એટ્રોફી ફેક્ટ શીટ-1 બીમારી શું છે?

આ બીમારી રંગસૂત્ર-5ની નાળીમાં ખામીને કારણે થાય છે. આ જનીન સર્વાઈકલમાં પ્રોટીન ઉત્પન્ન કરે છે, જે માનવ શરીરમાં ન્યુરોન્સનું પ્રમાણ જાળવી રાખે છે. પરંતુ તેમાં ખામી હોય ત્યારે ન્યુરોન્સનું સ્તર જળવાતું નથી. તેથી કરોડરજ્જુમાં નબળાઈ અને બગાડ પેદા થાય છે અને શ્વાસ લેવામાં પણ મુશ્કેલી સર્જાય છે. આ બાળકને માતા-પિતા તરફથી વારસામાં મળતો રોગ છે, જે જનીનિક ખામીના કારણે થાય છે. આ રોગની સારવાર ખૂબ મોંઘી છે. આ માટે અમેરિકાથી રૂ. 22 કરોડ જેટલી કિંમતનું ઈન્જેક્શન મંગાવવું પડે છે, જેને ડિસેમ્બર-2016માં યુ.એસ. ફૂડ એન્ડ ડ્રગ્સ એડમિનિસ્ટ્રેશનની માન્યતા પણ મળેલી છે. આ ઈન્જેક્શનની મદદથી પ્રોટીનનું પ્રમાણ વધારી શકાય છે, જે માંસપેશીઓની હિલચાલ અને કામ કરવાની શક્તિ પણ વધારે છે.

વર્ષ અગાઉ ધૈર્યરાજ સિંહને આ બીમારી થઈ હતી- ગુજરાત તેમજ દેશ-વિદેશથી ડોનેશન મળતા નવજીવન મળ્યું

મહીસાગર જિલ્લાના લુણાવાડા તાલુકાના કાનેસર ગામના એક મધ્યમવર્ગીય પરિવારમાં જન્મેલા ત્રણ મહિનાના ધૈર્યરાજસિંહ સ્પાઈનલ મસ્ક્યુલર એટ્રોફી ફેક્ટ શીટ-1 (એસએમએ-1) નામની દુર્લભ બીમારીથી પીડાઈ રહ્યો હતો. જેને બચાવવા માટે 16 કરોડ રૂપિયાની કિંમતનું ઇન્જેક્શન લગાવવુ જરૂરી હતું, જોકે, એક મધ્યવર્ગીય પરિવાર પાસે આટલા પૈસા ક્યાંથી હોય, તેથી ધૈર્યરાજના પિતા રાજદીપસિંહ રાઠોડે ધૈર્યરાજના નામે ‘ઈમ્પેક્ટ ગુરુ’ નામની એનજીઓમાં ખાતું ખોલાવીને દાન માટે અપીલ કરવાનું નક્કી કર્યું હતું. આ રકમ ભેગી કરવા તેમણે સોશિયલ મીડિયાના માધ્યમથી દુનિયાભરના લોકો સમક્ષ દાન આપવાની ટહેલ નાખી હતી. જેમાં 16 કરોડથી પણ વધુ દાન આવતા ઇન્જેક્શન મંગાવ્યું હતું. આ રોગની સારવાર માટે રૂ. 16 કરોડનું એક ઈન્જેક્શન અમેરિકાથી આવ્યું હતું. ધૈર્યરાજને મુંબઈની હોસ્પિટલમાં દાખલ કરી આ ઈન્જેક્શન અપાયું હતું અને તેને નવજીવન મળ્યું હતું.

‘દીકરી ફ્રૂટી લેવા ગઈ અને નરાધમ છરી લઈને તેના પર તૂટી પડ્યો,’ બોલતા જ પિતાના ગળે ડૂમો ભરાઈ આવ્યો

‘એ દિવસે મારે નાઇટ શિફ્ટ હતી. મારે સાત વાગ્યે નોકરી પર જવાનું હતું. દીકરીને પણ મંદિરે જવું હતું. એ દિવસે તેણે મને કહ્યું- પપ્પા, ઊભા રહો, મારા હાથની ચા પીવડાવું. તમે ચા પીને નોકરી જાઓ. એ કોઈ દિવસ ચા બનાવતી નહોતી, પણ એ દિવસે સ્પેશિયલ ચા બનાવી. મને પીવડાવી. ત્યાર બાદ એ મંદિરે જવા નીકળી અને હું નોકરીએ ગયો. થોડીક જ વારમાં મારી પત્નીનો ફોન આવ્યો. પાછા આવીને જોયું તો એ નરાધમે મારી લાડલીને રહેંસી નાખી હતી,’ આટલું બોલતાં જ દિલીપભાઈ પટેલના ગળે ડૂમો ભરાઈ આવ્યો.

ખેડાના માતર તાલુકાના ત્રાજ ગામમાં આજથી અંદાજે 8 દિવસ પહેલાં બનેલી ઘટનાએ આખા ગુજરાતને હચમચાવી દીધું હતું. એકતરફી પ્રેમમાં 47 વર્ષીય આધેડ રાજુ પટેલે કૃપા પટેલ નામની 16 વર્ષીય સગીરાનું ગળું કાપી નાખ્યું હતું. એટલું જ નહીં, નરાધમે હત્યા બાદ છરીથી હાથ ઉપર પણ કાપા માર્યા હતા. ઘરમાં સૌની લાડલી દીકરીના મોતના 8 દિવસ બાદ પણ તેનાં માતા-પિતાની આંખોના આંસુઓ હજી સુકાયા નથી. લાડલીને યાદ કરીને હજી રડ્યાં રાખે છે. કૃપાના પિતા દિલીપભાઈને 3 સંતાન હતાં, જેમા બે દીકરી અને એક દીકરો છે. કૃપા વચેટ હતી. દિવ્ય ભાસ્કરે મૃતક સગીરાનાં માતા-પિતા સાથે વાતચીત કરી હતી.

દીકરી ફ્રૂટી લેવા ગઈ અને..

દિલીપભાઇ પટેલે જણાવ્યું હતું, ‘એ શ્રાવણ મહિનો કરતી હતી. એ દિવસે એ ઘરેથી મંદિર જવા નીકળી હતી અને મહાદેવજીની આરતી પતાવીને પછી ઘરે આવી. તેને ઉપવાસ હતો એટલે એ ફરી દુકાનમાં ફ્રૂટી લેવા ગઈ. ત્યાં પેલો (રાજુ પટેલ) પાછળથી આવીને છરીના ઘા મારીને નાસી ગયો. આ ઘટના બની ત્યારે સાંજના 7.15થી 7.30ની આસપાસનો સમય હતો. હું ગામમાં રહું છું અને મંદિર તળાવ પર છે. ઘટનાસ્થળથી મારું ઘર અડધો કિલોમીટર જેટલું દૂર છે. ઘટના બાદ આરોપી ગામમાં ક્યાંક નાસી ગયો હતો. 10 મિનિટમાં જ પોલીસ આવી ગઈ હતી. પછી પોલીસ પકડી લીધો હતો. હત્યારો મારા ઘરથી 10 મિનિટના અંતરે આવતા બીજા ફળિયામાં રહે છે.’

દીકરીને બ્યૂટિપાર્લરનો શોખ હતો

પિતાએ વધુમાં ઉમેર્યું હતું, ‘દીકરીને બ્યૂટિપાર્લરનો ઘણો જ શોખ હતો. એ બધાં કામમાં બહુ હોશિયાર હતી. ઘરકામ, બોલવા-ચાલવામાં બધી રીતે હોશિયાર હતી. ફોટાનો પણ બહુ શોખ હતો. ઘરમાં એના પાડેલા ફોટા પણ બહુ જ છે. મોબાઇલમાં બહુ ફોટા પાડતી હતી. તેની સાથે જે છોકરી હતી, તેણે એવું કહ્યું હતું કે એ વખતે દુકાન પર કોઈ નહોતું. દુકાન આગળ ઓટલો છે, તેઓ ત્યાં ઠંડુ લેવા ચઢ્યા ત્યારે પેલો પાછળથી આવી છરીના ઘા મારી ત્યાંથી નાસી ગયો, એટલે તેની મિત્ર ઘરે દોડતી દોડીતી આવી અને મારી પત્નીને ઘટના વિશે કહ્યું. ગામવાળા અને પોલીસે ખૂબ સારો સહકાર આપ્યો છે. મેં તો એવી વાત પણ સાંભળી છે કે આરોપીના પરિવાર એમ કહે છે કે તમારે એનું જે કરવું હોય એ કરો. અમારે એની સાથે કોઈ લેવાદેવા નથી.’

દીકરી એ અમને તો કંઈ જણાવ્યું જ નહોતું નહીં તો..

દિલીપ ભાઈએ આગળ દુઃખી સ્વરે જણાવ્યું હતું, ‘મારી દીકરી અને એની ભત્રીજી બંને નાનપણથી સાથે જ ભણતા હતા. એટલે એના ઘરે અવરજવર તો હતી જ. પરંતુ હમણાં 1 વર્ષથી એના ઘરે જવાનું બંધ કરી દીધું હતું અને બીજી બહેનપણીઓને ત્યાં મળતા હતા. દીકરી એ અમને તો કંઈ જણાવ્યું જ નહોતું. મેં મારી પત્નીને પણ આ અંગે સવાલ કર્યો હતો, પરંતુ તેને પણ કંઈ જ ખબર નથી. જો દીકરીએ અમને કંઈક કહ્યું હોત તો હું તેની પર એક્શન તો લેત.’

રાજુએ છ મહિના પહેલાં પણ એક બાળકીની છેડતી કરી હતી

વધુમાં દિલીપ ભાઈએ કહ્યું હતું, ‘અમે પહેલેથી તેને ઓળખતા હતા, પરંતુ તે આવું કંઈ કરશે તેવું ક્યારેય વિચાર્યું નહોતું. મારી દીકરીએ પણ ક્યારેય એવું નહોતું કે કહ્યું કે તે મને હેરાન કરે છે, કારણ કે એ 46-47 વર્ષનો એટલે કે મોટી ઉંમરનો છે. પહેલાં એના વિષે સાંભળ્યું હતું કે એણે 8-9 વર્ષની બાળકીની છેડછાડ કરી હતી. એ પછી છોકરીની માતા એને બોલી હતી અને બાળકીના પિતાએ ફટકાર્યો માર્યો હતો. આ ઘટનાને લગભગ છ મહિના જેવુ થયું છે. એ છેડછાડ કરતો હોય તો નાની છોકરીને કંઈ ખબર પડે નહીં પણ છોકરીએ કદાચ કીધું હશે એટલે ઘરવાળાને ખબર પડી હશે. એના ઘણાં સમય પહેલા લગ્ન થયાં હતા. પછી છૂટું થઈ ગયું હતું. એ વ્યક્તિ એના ઘરમાં એની માતા સાથે ઉપર રહેતો જ્યારે એનો મોટોભાઈ એના પરિવાર સાથે નીચે રહેતો હતો.’

માહોલ એવો છે કે બીજી દીકરીઑ પણ બહાર નીકળતી નથી

દિલીપ ભાઈએ આગળ જણાવ્યું હતું, ‘મારા પરિવારમાં મારા મમ્મી-પપ્પા, એક મોટી દીકરી અને નાનો દીકરો છે. મારી પત્ની છે. આ ઘટના પાછળ એનો ઇરાદો શું હતો એ તો અમને પણ ખ્યાલ નથી. અત્યારે એવો માહોલ થઈ ગયો છે કે બીજી દીકરીઓ પણ બહાર નીકળતા ડરે છે. આજે સવારે એની સ્કૂલવાળા પણ મળવા આવ્યા હતા. આ બનાવ બન્યો ત્યારે એની બહેનપણી સાથે હતી. એ જરાયે ડરતી નથી. પોલીસને એણે બધા જવાબ ફટાફટ આપી દીધા હતા. પોલીસે પણ તેની પીઠ થાબડીને કહ્યું હતું, ‘બેટા, ગામમાં તું એકલી જ મર્દ લાગે છે.’ મારી એક જ માગણી છે કે આરોપીને જાહેરમાં ફાંસી થવી જોઈએ. જેથી બીજું કોઈ પણ આવું કરતાં પહેલાં વિચાર કરે.’

ખબર નહીં કઈ ઘડીએ આવ્યો અને…

કૃપાની મમ્મીએ કહ્યું હતું, ‘દીકરી શ્રાવણ મહિનો કરતી હતી. એટલે એણે મને કહ્યું હતું, ‘મમ્મા મારે ઠંડુ પીવું છે.’ મેં તો બીજા દિવસે લઈ આપવાની વાત કરી હતી. પછી મેં જ પૈસા આપ્યા અને તે દુકાને લેવા લઈ હતી. ખબર નહીં કંઈ ઘડીએ એ આવ્યો અને દીકરીને પાછળથી મારી ગયો. સામેથી આવ્યો હોય તો દેખાયો હોત.’

હત્યા કર્યા બાદ હત્યારો વાડામાં જઇ સૂઈ ગયો

ગામના સરપંચે આ ઘટના અંગે વાત કરતા કહ્યું હતું, ‘રાજુ ઉર્ફે રાજેન્દ્ર નામના 46 વર્ષીય પુરુષે 17 ઓગસ્ટે એક છોકરીનું ગળું કાપીને કરપીણ હત્યા કરી હતી. કયા કારણસર એ હત્યા થઈ એ હજુ સુધી જાણમાં આવ્યું નથી. રાજુને હું મળ્યો છું. એનો કોઈ મિત્ર નહોતો. એ ગમે ત્યાં એકલો બેઠો હોય. રાજુને જમીન છે અને તેમાં ખેતી કરે છે. આ ઉપરાંત તે માર્ક નામની કંપનીમાં નોકરી પણ કરે છે. ગામમાં તેનો પોતાનો એક વાડો પણ છે. હત્યા કર્યા બાદ તે અહીંયા પતરાં પર આવીને સૂઈ ગયો હતો. ગામવાસીઓ જોઈ ગયા હતા અને પોલીસને જાણ કરી હતી. પોલીસ આવીને લઈ ગઈ હતી. અમે 22 ઓગસ્ટના રોજ દીકરીને શ્રદ્ધાંજલિ આપવા માટે સ્વયંભૂ બંધ પાળ્યો હતો.’

CCTV ફૂટેજમાં પણ એ પીછો કરતો દેખાય છે

ત્રાજમાં આવેલી બેંક ઑફ બરોડાના CCTV ફુટેજ મળ્યા હતા, જેમાં આ છોકરી એની બહેનપણી તથા મમ્મી એમ ત્રણેય સાથે જતા હતાં. એમની પાછળ પાછળ આરોપી જતો હતો. આ વીડિયો હત્યા કર્યાના થોડા સમય પહેલાંનો છે.

ખાલી 2 રૂપિયાની ફટકડી સફેદ વાળને કરશે જોરદાર કાળા, લાંબા અને સિલ્કી, જાણો ઉપયોગ કરવાની રીત.

અયોગ્ય જીવનશૈલી અને પ્રદુષણના કારણે લોકોના વાળ સમય પહેલા જ સફેદ થવા લાગે છે. સામાન્ય રીતે યુવાની ખતમ થઈને ઉંમર વધવા લાગે છે ત્યારે સફેદ વાળ આવવાનું શરુ થાય છે પરંતુ અત્યારે તો યુવાનોમાં પણ સફેદ વાળની સમસ્યા જોવા મળે છે. તેમજ પ્રદુષણના સંપર્કમાં આવતા વાળ રફ થઇ જાય છે તેમજ વાળનો ગ્રોથ અટકી જતો હોય છે.

તો એવામાં વાળને સુંદર અને સિલ્કી બનાવવા માટે લોકો મોંઘી પ્રોડક્ટ્સનો ઉપયોગ કરતા હોય છે. આ પ્રોડક્ટ્સમાં રહેલા કેમિકલ્સ આપણા વાળને વધારે ખરાબ કરી નાખે છે જેના લીધે વાળ ખરવા, રફ થઇ જવા વગેરે જેવી સમસ્યા જોવા મળે છે. પરંતુ આજે અમે તમને એક એવી વસ્તુ વિશે જણાવવા જઈ રહ્યા છીએ કે જેનો માત્ર એક ટુકડો તમારા વાળને કાળા લાંબા અને સિલ્કી બનાવશે.

અમે વાત કરી રહ્યા છીએ ફટકડીની જે બજારમાં માત્ર 10-20 રૂપિયામાં ખુબ જ સરળતાથી મળી જશે. પણ મહત્વની વાત એ છે કે, તેનો ઉપયોગ કેવી રીતે કરવો.. આ લેખ પૂરો ધ્યાનથી વાંચજો તો જ તેનો ઉપયોગ ખબર પડશે, નહિ તો તમે આ ફટકડીનો પૂરો લાભ નહિ લઇ શકો. તો અંત સુધી વાંચજો.

ચાલો જાણીએ ફટકડી દ્વારા કઈ રીતે તમે લાંબા અને કાળા મેળવી શકો છો.

વાળને સુંદર અને કાળા બનાવવા માટે ફટકડીનો એક માપસરનો ટુકડો લેવો ત્યાર બાદ તેને પીસીને તેનો પાવડર તૈયાર કરી લેવો. ત્યાર બાદ એક ચમચી ગુલાબ જળ લેવાનું છે. ત્યાર બાદ ગુલાબ જળ અને ફટકડીનો પાવડર બંને બરાબર મિક્સ કરી તેની પેસ્ટ બનાવી લેવી. ત્યાર બાદ બનાવેલી પેસ્ટને વાળમાં લગાવવાની છે ખાસ કરીને વાળની જડમાં લગાવવાની છે.

ત્યાર બાદ 5 મિનીટ સુધી હળવા હાથે વાળની મસાજ કરતા રહેવાનુ છે.ત્યાર બાદ એક કલાક સુધી વાળમાં તે પેસ્ટ લગાવેલી રાખવી. એક કલાક બાદ થોડા હલ્કા ગરમ પાણીથી વાળને ધોઈ લેવા. નિયમિત જ્યારે તમે વાળ ધોવો છો ત્યારે આ પ્રયોગ કરવો. થોડા જ સમયમાં સફેદ વાળ તો કાળા થઇ જશે તેની સાથે વાળ મજબુત અને સિલ્કી બની જશે.

આ પ્રયોગ માટે એક ચમચી પીસેલી ફટકડીનો પાવડર, એક ચમચી આંબળાનું તેલ અને 2 વિટામીન E ની કેપ્સુલની જરૂર પડશે. સૌપ્રથમ એક વાસણમાં ત્રણેય વસ્તુને મિક્સ કરી લેવી . તેલ સાથે ફટકડી બરાબર મિક્સ થઇ જવી જોઈએ. ત્યાર બાદ કાંગસાની મદદથી વાળમાંથી બરાબર ઘૂંચ કાઢી લેવી અને વાળના અલગ અલગ ભાગ કરી નાખવા. હવે એક રૂ લો અને રૂ ને તેલમાં બોળીને પછી વાળના મૂળમાં તેલ લગાવવું. લગાવ્યા બાદ 10 મિનીટ સુધી હળવા હાથે મસાજ કરવી. ત્યાર બાદ 30 મિનીટ સુધી આ મિશ્રણને વાળમાં લગાવી રાખવું. ત્યાર બાદ વાળને શેમ્પુની મદદથી ધોઈ લેવું.

તમને જણાવી દઈએ કે આંબળા વાળને સિલ્કી બનાવે છે અને વાળનો ગ્રોથ ખુબ વધારે છે. અને ફટકડી વાળને લાંબા અને કાળા બનાવે છે એવામાં બંનેનો એક સાથે પ્રયોગ કરવામાં આવે તો તેના ફાયદા બમણા થઇ જાય છે. માટે આ પ્રયોગ કરવાથી વાળ પ્રાકૃતિક કાળા, લાંબા, સિલ્કી અને મજબુત બનશે.

જો તમને વધારે સમય ન મળતો હોય તો તમે આ રીતે સરળ પ્રયોગ પણ અપનાવી શકો છો. આ પ્રયોગ માટે તમારે ગરમ પાણી લેવાનું છે. પાણી નોર્મલ ગરમ હોવું જોઈએ ઉકળતું ગરમ નથી કરવાનું. ત્યાર બાદ તેમાં બરાબર માત્રામાં ફટકડી અને કંડીશનર બંને ઉમેરી મિક્સ કરી લો. ત્યાર બાદ તેને વાળમાં કંડીશનરની જેમ લગાવો. ત્યાર બાદ 15 થી 20 મિનીટ સુધી તે લગાવી રાખવું ત્યાર બાદ ઠંડા પાણીથી વાળ ધોઈ લેવા. અઠવાડિયામાં એક વખત જયારે તમે વાળ ધોવો છો ત્યારે આ પ્રયોગ કરવો તેનાથી વાળ લાંબા કાળા અને સુંદર બની જશે.

મળો, સોરઠની સિંહણને, ધરાની રિયલ લાઈફ સ્ટોરી વાંચીને આંખો ભીની થઈ જશે, આવું તો કોઈની સાથે ન થાય

‘માતા-પિતાની લાડલી અને દુલારી, જે વસ્તુ માગુ એ હાજર કરી દે. લાડથી મને ભણાવીને મોટી કરી… અમે વાત કરી રહ્યા છીએ સોરઠની સિંહણ ધરાની, ધરાએ સાંવરકુંડલામાં ગ્રેજ્યુએશનનો અભ્યાસ કર્યો હતો અને અમેરિકામાં વેલસેટલ્ડ ગુજરાતી પરિવારમાં ધામધૂમથી લગ્ન થયા. તેના પતિનું નામ સિધ્ધાર્થ શાહ છે. પોતાના સોનારા ભવિષ્ય માટે તે અમેરિકાના ડેલાસમાં આવી. સાસરિયામાં ઘરથી પણ વિશેષ પ્રેમ મળ્યો. મને પતિ, સાસુ-સસરા પણ હથેળીમાં રાખતા

2018માં પ્રેગનન્ટ થઈ તો પરિવારમાં ખુશીનો કોઈ પાર નહોતો. ઘરમાં નવા મહેમાનના આગમનની તૈયારીઓ થવા લાગી. ધરાએ સ્વસ્થ અને તંદુરસ્ત પુત્રને જન્મ આપ્યો, પણ કોણ જાણે કુદરત મારા પર એવી રૂઠી કે એક જ દિવસમાં બધુ હતું ન હતું થઈ ગયું.’

બ્લિડિંગને કારણે ડિલિવરી મોતના દરવાજે લઈ ગઈ

પોતાની જિંદગી સામેના સંઘર્ષની વાત કહેતા ધરા શાહે ઉમેર્યું, “મારી ડિલિવરીમાં બ્લિડિંગ એટલું વધી ગયું કે, 90 મિનિટ હાર્ટ બંધ થઈ ગયું. ડોક્ટરે સતત CPR આપી હૃદય ફરી ધબકતું કર્યું તો હું કોમામાં જતી રહી. બાદમાં ગેંગરીન થતા બે પગ, એક અડધો હાથ અને બીજા હાથની પાંચેય આંગળી કાઢી નાખવી પડી. મારા ગર્ભાશયની કોથળી કાઢવી પડી.”

દીકરાનો એકમાત્ર સહારો પણ છીનવાઈ ગયો

“સાડા ચાર મહિને હોસ્પિટલમાંથી ઘરે પહોંચી તો મારા પુત્રને જોઇ મારું બધું દુઃખ ભૂલી ગઈ. પરંતુ મારો પુત્ર માહેર જેનેટિક ડિસઓર્ડરનો શિકાર હોવાથી 10 મહિને તે પણ રમતા રમતા આંખો મીંચીને જતો રહ્યો.

મને લાગ્યું મારી જિંદગી પૂરી થઈ ગઈ.. છતાં હિંમત ન હારી અને કૃત્રિમ પગ લગાડી દોડવાનું શરૂ કર્યું. એક સમયે 5 ડગલા માંડી શકતી નહોતી પણ આજે હું 5 કિમી દોડી શકું છું.’ આટલું કહી ધરા ભાવુક થઈ જાય છે.

કોઈ પણ પરિસ્થિતિ આવે, તેનો સામનો કરો

ધરાએ જણાવ્યું હતું કે, મારા બન્ને પગ ગોઠણથી નીચે, જમણો હાથ કોણીથી નીચે અને ડાબા હાથની બંધી આંગળીઓ કાઢવી પડી. હું લગભગ સાડા ચાર મહિના હોસ્પિટલમાં રહી.

છેલ્લે એટલું જ કહીશ કે, કોઈ પણ પરિસ્થિતિ આવે તો તેનો સામનો કરો, હિંમતથી લડો. કારણ કે, ડરવાથી કે ભાગવાથી તેનું કોઈ સોલ્યુશન નથી. તમે જો લડશો તો જ તમે પરિસ્થિતિમાંથી નીકળી શકશો. હું જ્યારે આટલું બધું ગુમાવીને ફરી ઉભી થઈ તો તમે તો બધા કરી જ શકો છો.

ઝાડમાં સાઈ બાબાની તસવીર બહાર આવી, દર્શન માટે ઉમટ્યા લોકોના ટોળા, જાણો તેની પાછળનું સત્ય

ભારત વિવિધતાનો દેશ છે. અહીં ધર્મની સાથે સંસ્કૃતિ પણ અલગ છે. ભારતમાં વિવિધ ધર્મના લોકો વસે છે. લોકો આસ્થાના નામે મરવા તૈયાર છે. આ જ કારણ છે કે સહેજ પણ અફવા ફેલાય છે, આખી જનતા એ અફવામાં સામેલ થઈ જાય છે. આવું ઘણા કિસ્સાઓમાં જોવા મળ્યું છે. બાબાઓનો મામલો હોય કે બિનજરૂરી પ્રસાદનો ઉલ્લેખ હોય, લોકો આસ્થાના નામે કંઈપણ આંધળી રીતે માને છે. આવો જ એક મુદ્દો હાલ ચર્ચામાં છે. ચાલો તેના વિશે વિગતવાર જાણીએ-

વાસ્તવમાં આ મામલો હરિયાણાના અંબાલા શહેરનો છે. અને આ મામલો સાંઈ બાબા સાથે જોડાયેલો છે. અહીં એક ઝાડમાં સાંઈ બાબાની તસવીર હોવાના સમાચાર સામે આવ્યા છે. તસવીર જોવા માટે લોકોની ભીડ ઉમટી પડી છે. લોકો તેને સાંઈ બાબાનો ચમત્કાર માની રહ્યા છે. જ્યાં આ વૃક્ષ પડે છે તે રેલવેની જમીન છે.

તેથી, વધતી ભીડને જોતા રેલ્વે સતર્ક થઈ ગઈ છે. કોઈ અનિચ્છનીય ઘટના ન બને તે માટે તે સ્થળે આરપીએફ જવાન તૈનાત કરવામાં આવ્યા છે. જે ઝાડ પર આ તસવીર સામે આવી છે તે જંગલ જલેબીનું ઝાડ છે.

આજુબાજુના વિસ્તારોમાં સાંઈબાબાના ઝાડમાંથી બહાર આવવાના સમાચાર જંગલમાં આગની જેમ ફેલાઈ ગયા. દૂર-દૂરથી લોકો સાંઈ બાબાના દર્શન કરવા આવી રહ્યા છે. ત્યાં ભજન કીર્તન પણ શરૂ થયું છે.

આ ઘટના પર બહુ ઓછા લોકો વિશ્વાસ કરે છે. લોકો તેને કોઈની બનાવટ માની રહ્યા છે. એક પ્રત્યક્ષદર્શીએ પણ આ વાતની પુષ્ટિ કરી છે. તેમણે જણાવ્યું કે આ ઝાડ જ્યાં એક જૂનું રેલ્વે કાર્ટર હતું, જેને તોડીને નવું બનાવવામાં આવી રહ્યું છે. રામદિન અહીં મજૂરની જેમ કામ કરે છે. તેને આ વિશે જણાવ્યું કે થોડા દિવસોથી એક વ્યક્તિ અહીં કેટલાક દિવસો માટે આવી રહ્યો હતો. કદાચ તેણે આ ચિત્ર એટલા માટે બનાવ્યું છે કારણ કે આ વૃક્ષ પર આવા ચિત્રની કોઈ નિશાની નહોતી.

અંબાલાના ડીઆરએમ દિનેશ ચંદ્ર શર્માએ કહ્યું કે પુરાતત્વ વિભાગ દ્વારા મામલાની તપાસ કરવામાં આવશે. તેમના મતે 21મી સદીમાં આવું થવું શક્ય નથી. તે કોઈની યુક્તિ હોવી જોઈએ. રેલવેની આ જમીન પર કોઈનું અતિક્રમણ થઈ શકે નહીં.

શક્તિપીઠ અંબાજીમાં પૂનમના દિવસે ગબ્બર પર થયો ચમત્કાર, અખંડ જ્યોતમાં સાક્ષાત વાઘના દર્શન, જુઓ વિડીયો

સ્થાનિક લોકોના જણાવ્યા પ્રમાણે, શનિવારે પૂનમના દિવસે ભક્તોની મોટી ભીડ અંબાજી મંદિરે આવતી હોય છે. ત્યારે ગઈ પૂનમના દિવસે અંબાજીથી બે કિલોમીટર દૂર આવેલા પવિત્ર ગબ્બર પર સવારે આરતીના સમયે અખંડ જ્યોતમાં સાક્ષાત વાઘના દર્શન થયા હતા. આ દ્રશ્ય જોઈ ભક્તો ભાવ વિભોર થઈ ગયા અને ‘બોલ મારી અંબે જય જય અંબે’ના નારા લગાવ્યા હતાં.

વીડિયોમાં જોવામાં આવતી જ્યોતમાં સાક્ષાત વાઘનું સ્વરૂપ જોવા મળી રહ્યું છે. તેમાં બે આંખ, કાન, મોઢું જોવા મળી રહ્યું છે. ગબ્બરનું ધાર્મિક મહત્વ હિન્દુ આસ્થાળુઓ માટે ઘણું છે. આ વીડિયો હાલ સોશિયલ મીડિયામાં વાયરલ થયો છે. જ્યારે ભક્તો કૂતુહલતા સાથે ભાવ વિભોર થઈ રહ્યા છે.

ગુજરાતના પ્રસિદ્ધ યાત્રાધામ અંબાજી માતાના મંદિર અને ગબ્બરનું પુરાણોમાં ઘણું મહત્વ છે. 52 શક્તિપીઠમાંથી એક ગણાતા અંબાજી માતાના મંદિરને આસ્થાનું પ્રતિક માનવામાં આવે છે. ગયા શનિવારે એટલે કે પૂનમના દિવસે અંબાજી માતાના ગબ્બર પર મોટો ચમત્કાર સર્જાયો હતો.

Exit mobile version